OLUVANYUMA lwa Liigi ya Uganda eya Uganda Premier League -UPL okukomekkerezebwa nga batabani b’omugagga Lawrence Mulindwa aba Vipers beetisse ekikopo, wabula ttiimu essatu ezaayingira ‘Super League’ sizoni ewedde okuli Police, Lugazi ne Mbale Heroes, (Mbale Heroes) yasalidwako okuddayo mu ‘Big League ‘ nga Police ne Lugazi zaasobedde okusigala.
Eyaliko kapiteeni wa Cranes ne Express, George Ssimwogerere yategeezezza omusasi waffe ensonga ezaayambye Police ne Lugazi okusigala mu Uganda Premier League.
POLICE FC
Ssimwogerere agamba nti Police yabadde n’abazanyi abalina obumalirivu nga Herman Waswa, Umar Kasumba ne Mathias Muwanga abakoze ennyo okulaba nga basigala. Ssiimu agenda mu maaso okugamba nti okugoba omutendesi Simon Peter Mugerwa nebaleta Matia Lule kyabayamba nnyo okuwona ekyambye.
LUGAZI FC
Ssimwogerere agamba nti okuleeta omutendesi Steven Bogere ku ttiimu kyali ky’amagezi era y’ensonga lwaki ttiimu yasigadde ate ng’ebadde n’abazanyi ababade tebalina bumalirivu mu ‘Super League’. Ssimu ayongerako nti Bogere y’omu ku batendesi abamanyi okutendeka omupiira ogw’akawoowo ate nga gugoba era sizoni ejja bamwerinde.
More Read
MBALE HEROES
Ssimwogerere agamba nti bajeti ya bano ebadde ntono ate nga tebalina mutendesi omulungi nga n’abazanyi bakiboggwe nga y’ensonga lwaki baasaliddwako.
OWA FANGONI ALUMBYE EMIGUWA
Omu ku babeera mu ggaali ya Allien Skin, Reagan Magumba ayingira emiguwa ku Lwomukaaga luno ku Club Obligato ng’azannya Eliphazi Mbazira owa Nakawa mu buzito bwa ‘Light welter’ mu mpaka za Champions League ezitegekebwa Moses Muhangi akulira ebikonde.
Mu nnwana endala kuliko Adinani Yasin ow’e Kibuli azannya Juma Jjuuko owa Kololo High, Nakabuye Kevin ow’e Busega azannya Auma Prisha owa Lukanga, Namuyomba Christine owa UPDF azannya Sauda Muhammad ow’e Kibuli ne Makanga Moses owa Kololo azanya Nasasira Shafic owa Police.
