Emipiira egiddako
27,March
Police vs Kitara
Lugazi vs Maroons
NEC vs Express
28, March
Wakiso Giants vs UPDF
KCCA vs Bright Stars
29,March
Villa vs Vipers
URA vs Mbale Heroes
NGA Liigi ya Uganda ey’oku ntikko eya Uganda Premier League ebulako emipiira 10 ekomekkerezebwe, obunkenke ku ani agenda okusalwako lyeyongedde olwa ttiimu ennene okuli SC Villa ne Express okulwegattako era singa tebawangula mipiira gyabwe egiddako, bandiddayo mu lejula sizoni ejja.
1-MBALE HEROES; Bano be bakwebedde wansi wa ttebo n’obubonero 10 mu mipiira 20 era omutendesi Baker Mbowa okuggyako ng’akoze ebyamagero okusigaza ttiimu naye emikiisa gyabwe mitono.
2-BRIGHT STARS; Bali mu kifo kya 15 n’obubonero 12 mu mipiira 20 nga baddiridde asembayo. Bano okufaananako ne Mbale Heroes, beetaaga eby’amagero singa baakusigala mu Liigi.
More Read
3.WAKISO GIANTS; Ze zimu ku ttiimu essatu ezisembyeyo era singa Liigi egwa kati, baba bagenda kuddayo wansi.
Bali mu kifo kya 14 n’obubonero 14 mu mipiira 20 era abatendesi Steven Bengo ne Tony Maweje tebakoze kimala ttiimu okusigala.
4. MBARARA CITY; Bano bali waggulu n’obubonero munaana ku ttiimu ezigenda okusalwako nga bali mu kifo kya 13 n’obubonero 22 mu mipiira 20 wabula singa bavuya mu mipiira egisigaddeyo nga Wakiso Giants ne Bright Stars bwe bawangula, bayinza okuddayo.
5-POLICE; Wiini yaabwe ku Express yabayambyeko nnyo okuba n’omukisa okusigala mu Liigi.
Bali mu kifo kya 12 n’obubonero 23 mu mipiira 20 wabula balina okugenda mu maaso n’okuwangula singa bakusigala.
6-UPDF. Bano bali mu kifo kya 11 n’obubonero 24 mu mipiira 20 era singa basumagiramu mu mipiira gyabwe egiddako, biyinza okuba ebibi ku sayidi yaabwe.
7-LUGAZI. Okuva omutendesi Steven Bogere bweyeegatta ku Lugazi FC, agikyusizza nnyo mu nsamba yaabwe era obubonero bwonna bulaga nti agenda kugisigaza mu Liigi. Bali mu kifo kya 10 n’obubonero 26 mu mipiira 20.
8-VILLA; Kyewunyisa ate nga kituufu nti ttiimu eyawangula ekikopo kya Liigi sizoni ewedde aba Villa nga kati bali mu kulwanyisa kyambye. Villa bali mu kifo kya 9 n’obubonero 27 mu mipiira 20.
9. MAROONS ; Bano bali mu kifo kya 8 n’obubonero 27 mu mipiira 20 era tebayimiridde bulungi singa bavuya mu mipiira gyabwe egisigaddeyo.
10- EXPRESS; Y’emu ku ttiimu ennene singa zivuya mu mipiira gyazo egisigaddeyo nga ziri wansi ziwangula, bayinza okwejjusa.Bali mu kifo kya 7 n’obubonero 28 mu mipiira 20.
ABA KYADDONDO SS BEERIISIZZA NKUULI
Ab’essomero lya Kyadondo SS beerisizza nkuuli mu bigezo bya Siniya ey’omukaaga [S.6] eby’akafulumizibwa wiiki ewedde.
Ku bayizi 385 abaatuula omwaka oguwedde, abayizi bana baafunye obubonero 20 okuli Huzaifa Kayiira, Arafat Kisuule, Jamal Mugooya nga babadde bakola BCM/ICT ne Zahara Namubiru abade akola HIL/ICT.
Omukulu w’essomero Haji Ismail Waligo yategeezezza nti okwesiga Katonda, byebimu ebyabasobozesezza okukola obulungi.
